गोरखा । गोरखाको विभिन्न ३ स्थानिय तहमा ८ जनामा डेंगु संक्रमण देखिएको छ । गोरखा नगरपालिका र शहिल लखन तथा सिरानचोक गाँउपालिकामा गरी ८ जनामा संक्रमण देखिएको गोरखा अस्पताल प्रशासनले जनाएको छ ।
संक्रमण देखिएकाहरुमा गोरखा नगरपालिकामा बसोबास गर्नेहरु बढी संक्रमीत भएका छन् । गोरखा नगरपालिका ८ को २ जना र २ र ६ मा १–१ जनामा संक्रमण देखिएको अस्प्तालका सूचना अधिकारी कृण्ण ढकालले बताए । सूचना अधिकारी ढकालले दिएको जानकारी अनुसार शहिद लखन गाउँपालिका ७ मा २ जना र ४ को १ जनामा पनि संक्रमण देखिएको छ ।
यो आर्थिक बर्षको पहिलो ११ दिनमा जिल्लाको ३ स्थानिय तहमा ८ जनामा संक्रमण देखिएको हो । संक्रमण देखिएको सिरानचोक गाँउपालिका ८ मा भने १ जनामा संक्रमण देखिएको छ ।
संक्रमणदेखिएका सबैको गोरखा अस्पतालमा रक्त परिक्षणका क्रममा देखिएको अस्पतालले जनाएको छ । उनीहरु सबैमा उच्च जरो देखिए पछि गोरखा अस्पतालमा परिक्षणका क्रममा संक्रमीत भएको पाईएको हो ।
संक्रमीत मध्ये ३ जनालाई भने थप उपचारको लागि जिल्ला बाहिर पठाईएको र अन्य ५ जनाको भने यही उपचार भईरहेको छ ।
डेंगुका लक्षण र बच्ने तरिकाहरु
गु रोगको कुनै खास उपचार र खोप हुदैन । त्यसैले डेंगु बाट बच्ने एक मात्र उपाय भनेकै लामखुट्टेको टोकाई बाट बच्नु हो ।
अहिले नेपालको धेरै जसो ठाउहरुमा डेंगुको महामारी फैलिएको अवस्थामा अझ बढी सावधानी अपनाउनु पर्ने हुन्छ ।
डेंगु लाग्न नदिन (लामखुट्टेको टोकाईबाट बच्न) निम्न प्रक्रियाहरु अपनाउनु जरुरी छ
पानी जम्न नदिने
लामखुट्टेले जमेको पानीमा फुल पार्ने हुनाले सकेसम्म लामो समयसम्म एउटै ठाउमा पानी जम्मा हुन नदिने र यदि कुनै पानी जम्न सक्ने भाडाकुडाहरु छ भने त्यसलाई राम्ररी छोपेर राख्ने या नस्ट गर्नु पर्छ ।
पुरै शरीर ढाक्ने कपडा लगाउने
लामो बाहुला भएका कपडाहरु, मोजा, टोपी र सकेसम्म छाला पुरै छोप्ने खालका कपडाहरु लगाउनु पर्छ ।
क्रिम या साधन को प्रयोग
पुरै शरीरमा लामखुट्टे निवारक क्रिम लगाउने र लामखुट्टे भगाउने इलेक्ट्रोनिक साधनको प्रयोग गर्ने गर्नुपर्छ ।
ढोका झ्याल बन्द राख्ने
झ्याल ढोकाहरु सकेसम्म बन्द राख्ने वा लामखुट्टे छिर्न नसक्ने गरी जाली वा पर्दा वा झूलको प्रयोग गर्ने गर्नु पर्छ ।
डेंगुका लक्षणहरु
- ज्वरो आउने
- टाउको दुख्ने
- आखाको भित्री (पछाडी) भाग दुख्ने
- बान्ता आउने, रिंगटा लाग्ने
- जिउ दुख्ने
- गलेको महसुस हुने
- ४ देखी ७ दिनमा शरीरमा दादुरा जस्तै देखिने विवीरा आउने
यदि यस्ता कुनै लक्षणहरु तपाइँ र तपाईका वरपरका कोहीमा देखिएमा नजिकको स्वास्थ्य चौकी वा अस्पतालमा उपचारको लागि जानु पर्दछ ।
डेंगु विरामीहरुको विशेष हेरचाहको लागि अस्पतालमा भर्ना गर्नुपर्ने हुनाले छिटो भन्दा छिटो परीक्षण गराउनु पर्छ ।
