गोरखा । जिल्लाको सहिद लखन गाउँपालिकामा पहिलो पटक व्यवसायिक रुपमा रेशम किराको खेती सुरु गरिएको छ ।
गाउँपालिकाको वडा नम्बर ६ घैरुङ्ग स्थित ज्यामिस्वाँरामा मनकामना रेशम खेती कृषि समुहले रेशम किराको व्यवसायिक खेती गर्न सुरु गरेको हो ।
गण्डकी प्रदेश सरकार र गाउँपालिकाको आर्थिक सहयोगमा स्थानीय कृषिकहरुले मिलेर समुह मार्फत रेशम किराको खेती गर्न सुरु गरिएको छ । पालिकाले समुहलाई रेशम किराको खेती गर्न सहयोग पुर्रयाउने उद्देस्यले फलामका ¥याकहरु निर्माण गरेको र जग्गा भाडामा आर्थिक सहयोग गर्दै आएको पालिकाले जनाएको छ ।
समूहले पटक उत्पादन थाल्दा ५ किलो मात्र कोकुन संकलन गरेको भएता पनि दोस्रो पटकमा ५० केजी कोकुन उत्पादन हुने अनुमान गरेको छ । कोकुन बिक्री गर्नुभन्दा पनि धागो नै निकालेर बिक्रि गर्दा बढी फाइदा हुने भएपनि प्रसोधनको काम भने सुरु भई नसकेकाले समुहले अहिले कोकुन नै बिक्री गर्दै आएको छ । धागो उत्पादन गरेर बिक्रि गर्न सके बजारबाट समूहले प्रतिकेजी ५ हजार रुपैया पाउने छ ।
समूहले यस पटक ६० हजार रेशम किरा कोकुन उत्पादनको हालिएको मनकामना रेशम खेती कृषि समुहकी सदस्य लिना थापामगरले बताइन । ‘किराले २८ दिनदेखि नै कोकुन हाल्न सुरु गर्छ, उनले भनिन, लगभग ४० दिनभित्रमा आम्दानी आइसक्ने अबस्थामा पुग्छ ।’ किरा राख्नु अघि घाँसको बगैचा तयार गर्न सके महिनै पिच्छे किरा हालेर उत्पादन लिन सकिने उनले जानकारी दिइन ।
रेशम किरा पाल्नका समहुले करिब १ सय रोपनी जग्गा भाडा लिएर किम्बु घाँसको खेती गर्दै आएको छ ।
समुहले रेशम किराको व्यवसायिक खेती गर्न सुरु गरेपछि एक पटक मात्र उत्पादन लिएको छ ।
रेशम किराको खेती हेर्नका लागि गाउँपालिका भित्र र वाहिरवाट विद्यार्थीहरु समेत आउने गरेको छन् ।