साँकेतिक तस्बिर
गोरखा । नाबालिका बलात्कार आरोपमा विभिन्न स्थानबाट २ जनालाई प्रहरीले पक्राउ गरेको छ । ८ र १५ बर्षिया बालिकालाई बलात्कार गरेको आरोपमा २ फरक स्थानबाट प्रहरीले २ जनालाई पक्राउ गरेको हो ।
प्रहरीले रौतहट जिल्ला गुजरा नगरपालिका–८ जयराजपुर बस्ने ४६ वर्षीय एजाजुल साइ फकिरलाई पक्राउ गरेको छ । उनले सोही नगरपालिका–८ जयराजपुरस्थित झुपडि घरमा ८ बर्षिया नाबालिकालाई गत जेठ २८ गते दिउँसो जबरजस्ती करणी गरेको भन्दै उनका आफन्तले उजुरी दिएका थिए ।
उजुरी परे लगत्तै ईलाका प्रहरी कार्यालय चन्द्रनिगाहापुरबाट खटिएको प्रहरीहरुको टोलीले फकिरलाई पक्राउ गरेको हो ।
त्यसैगरी, प्रहरीले रौतहट जिल्लाको वृन्दावन नगरपालिका–१ बस्ने ५० वर्षीय किशोरी राउतलाई पनि पक्राउ गरेको छ ।
स्थानीय मेडिकलमा औषधि लिन गएको अवस्थामा राउतले १५ बर्षिया किशोरीलाई राउत र सोही ठाउँ बस्ने १९ वर्षीय लालु जैसवाल समेतले जवरजस्ती करणी गरेको भन्ने उनका आफन्तले उजुरी दिए पछि राउतलाई प्रहरीले पक्राउ गरेको हो ।
उजुरी पर्नासाथ ईलाका प्रहरी कार्यालय गरुडा र प्रहरी चौकी विश्रामपुरबाट खटिएको प्रहरीको टोलीले राउतलाई पक्राउ गरेको थियो ।
घटनामा संलग्न भनिएका जैसवाल भने फरार रहेको प्रहरी जानकारी दिएको छ । जैसवालको ब्यापक रुपमा खोजी भएको पनि प्रहरीले जनाएको छ ।
