एजेन्सी । स्पानिस लिग गुमाइसके पनि रियल मड्रिड रायो भालेकानोलाई २-१ गोल अन्तरले पराजित गर्दै लिगको दोस्रो स्थानमा उक्लिएको छ ।
गए राति भएको खेलमा घरेलु मैदानमा रियलको लागि कप्तान करिम बेन्जेमाले खेलको ३१ औं मिनेटमा गोल गर्दै अग्रता दिलाएका थिए ।
यसपछि ८४ औं मिनेटमा टोमासले भालेकानोको लागि बराबरीमा गोल फर्काए । खेल बराबरीतर्फ उन्मुख रहेको अवस्थामा ८९ औं मिनेटमा रोड्रिगोले गोल गर्दै रियललाई जित दिलाएका थिए ।
यो जितसँगै रियल ३६ खेलबाट ७४ अंक जोडेर लिगको दोस्रो स्थानमा उक्लिएको छ ।
अर्को खेलमा लिगको दोस्रो स्थानमा रहेको एथ्लेटिको मड्रिड स्पान्योलसँग ३–३ गोलको बराबरीमा रोकिए पछि रियल माथि उक्लिएको हो ।
३ गोलको अग्रता पनि जोगाउन नसक्दा बराबरी पछि एथ्लेटिको ३६ खेलबाट ७३ अंक जोडेर तेस्रो स्थानमा झरेको छ ।