काठमाडौँ । जिम्बाब्वेमा हुने आईसीसी पुरुष क्रिकेट विश्वकप छनोटका लागि नेपालको प्रारम्भिक टोली घोषणा भएको छ ।
नेपाल क्रिकेट संघ (क्यान)ले सोमबार रोहित पौडेलको कप्तानीमा २२ जनालाई समेट्दै प्रारम्भिक टिमको घोषणा गरेको हो ।
जिम्बाब्वेले जुन १८ देखि जुलाई ९ तारिखसम्म आयोजना गर्ने विश्वकप छनोटबाट २ टोली भारतमा आयोजना हुने विश्वकपमा स्थान बनाउनेछन् ।
जिम्बाब्वेमा आयोजना हुने विश्वकप छनोटमा नेपाल समूह ‘ए’ मा रहेको छ । यस समूहमा टेस्ट राष्ट्रहरु वेस्ट इन्डिज तथा जिम्बाब्वेसँगै नेदरल्यान्ड्स र अमेरिका पनि रहेका छन् ।
समूह ‘बी’ मा भने टेस्ट राष्ट्रहरु आयरल्यान्ड र श्रीलंकासँगै स्कटल्यान्ड, ओमान र यूएई रहेका छन् ।