गोरखा । जाल्पा सामुदायिक लघुबित्त बित्तिय संस्था लि.ले गोरखाको छेवेटार र पालुङटारमा केन्द्र प्रमुखहरुलाई वित्तिय सारक्षता सम्वन्धी प्रशिक्षण गराएको छ । संस्थाले छेवेटारमा १११ जना र पालुङटारमा १२६ जना केन्द्र प्रमुखलाई प्रशिक्षण गराएको केन्द्रिय कार्यालयका योजना तथा अनुगमन विभागिय प्रमुख धर्मभत्त आयार्यले जानकारी दिए ।
देशैभर लघुवित्त बित्तिय संस्थाहरु प्रति सर्वसाधारणले हेर्ने दृष्टिकोणमा फरक पना आएको भन्दै विभागिय प्रमुख आचार्यले देशैभरका सबै शाखामा वित्तिय साक्षरता सम्वन्धी प्रशिक्षण कार्यक्रम सञ्चालनमा ल्याईएको बताए । प्रमुख आचार्यले संस्थाबाट ऋण लिएर गएकाहरुले गलत उद्वेश्य राखी गलत ठाउँमा पैसा लगानी गर्दा सदस्यहरुमा समस्या आएको बताए ।
जाल्पाको गोरखामा मात्रै गोरखा बजार, छेवेटार, पालुङटार, भच्चेक र ध्याम्पेशाल गरी ५ स्थानमा शाखा रहेको छ । सबै शाखाहरुमा १५ हजारको हाराहारीमा महिला सदस्यहरु आबद्व छन् ।
छेवेटार शाखा अन्तरर्गत रहेको १११ वटा केन्द्रमा २ हजार १५० जना र पालुङटार शाखामा १२६ केन्द्रमा २ हजार २०० महिला सदस्य आवद्व रहेको गोरखाका अनुगम प्रमुख अनुपमा गैरेले जानकारी दिए । प्रमुख गैरेका जाल्पाको गोरखामा रहेको कुनै पनि शाखामा आवद्व महिलाहरुमा समस्या नभएता पनि बाहिरी परिवेशका कारण वित्तिय साक्षरता सम्वन्धी प्रशिक्षण गराईएको जानकारी दिईन ।
सोही अवशरमा संस्थामा आवद्व ४ उत्कृठ केन्द्र, ३ जना सफल ब्यवसायी, २ जना प्रभावकारी नेतृत्व गर्ने केन्द्र प्रमुखका साथै सदस्यका छोराछोरीहरुले एसइइमा उत्कृष्ठ अंक ल्याउने ४ जना र संस्थालाई सहयोग पुरर्याउने २ जनालाई समेत प्रमाण पत्र र नगद दिएर सम्मान गरिएको थियो ।
केन्द्रिय कार्यालय बुटवलमा रहेको जाल्लाले देशैभरका २९ जिल्लामा ९९ शाखा मार्फत महिला सदस्यहरुलाई वित्तिय सेवाहरु दिदै आएको छ । संस्थाले हालसम्म सदस्यबाट ३ अर्ब बचत संकलन गरेकाे छ भने ५ अर्ब भन्दाबढी ऋण लगानी गरेकाे केन्द्रिय कार्यालयले जानकारी दिएकाे छ ।