गोरखा । सदरमुकाममा रहेको दैनिक उत्थान बचत तथा ऋण सहकारी संस्था लि.को चौथो बार्षिक साधारण सभा आज सम्पन्न भएको छ । निर्माण ब्यवासयीको सभा हलमा सम्पन्न साधारण सभा आगामी दिनमा अर्को सहकारी संग गाभिने निर्णय गर्दै सम्पन्न भएको हो ।
दुई सहकारीको मर्जर पछि भएको चौथो साधारण सभामा सचिव, कोषाध्यक्ष र लेखा सुपेरिवेक्षण समितिको प्रतिवेदन पास गरिएको अध्यक्ष केशव श्रेष्ठले जानकारी दिए । अध्यक्ष श्रेष्ठका अनुसार अगामी दिनमा अर्को सहकारी गाभिने गरी ५ सदस्यीय समिति समेत निर्माण गरिएको छ ।
०५३ सालमा स्थापना भएको उत्थान र ०५५ सालमा स्थापना भएको दैनिक साकोस ०७६ साल मंसिर ४ गतेदेखी मर्जर भएर संयुत्त कारोबार हुदै आएको छ ।
सभामा कोषाध्यक्ष सरोज पोखरेलले आर्थिक बर्ष ०७८÷०७९ मा संस्थाले ३ करोड ५८ लाख ८ हजार ३०९ रुपैयाँ ५४ पैसाको कारोबार गर्न सफल भएको प्रतिवेदन पेश गरेका थिए । १ करोड ४१ लाख ९६ हजार ८०० रुपैयाँ शेयर रकम रहेको संस्थाले १ करोड ७९ लाख १ हजार ६६० रुपैयाँ निक्षेप संकलन गरेको पनि सभामा जानकारी गराएका थिए ।
त्यस्तै गरी, सचिव ओमबहादुर श्रेष्ठले आगामी दिनमा सहकारीलाई एकिकरण गर्ने देखी सहरकारीका सदस्यहरुलाई अवलोकन भ्रमण र सहकारी शिक्षाको तालिम सञ्चालन गर्ने कार्यक्रममा समावेश गरिएको जानकारी दिए ।
कार्यक्रममा बोल्दै संस्थापक अध्यक्ष एवं प्रमुख सल्लाहकार सुशिलबावु श्रेष्ठले सहकारीले सदस्य भन्दा बाहिर र नियमभन्दा बिपरीत लगानी नगरेका कारण ढुब्ने अवस्थाबाट मुक्त भएको बताए । उनले आगामी दिनमा सहकारीलाई अझै परिष्कृत गर्दै लान र प्रविधी मैत्री बनाउन सुझाव दिएका थिए ।
साधारण सभा संस्थाका अध्यक्ष केशव श्रेष्ठको अध्यक्षतामा सम्पन्न भएको थियो ।