काठमाडौ । साताको तेस्रो दिन मंगलबार सेयर बजारमा ओरालो लागेको छ । नेप्से परिसूचक ३.८१ अंकले घटेर २०१९ बिन्दुमा आएर रोकिएको छ ।
ठूला कम्पनीहरुको सेयर कारोबार मापन गर्ने सेन्सेटिभ परिसूचक १ अंकले घटेर ३८१.९३ विन्दुमा पुगेर अडेको छ ।
त्यस्तैगरी, सोमबार पनि सेयर बजार घटेको थियो । सोही दिन नेप्से परिसूचकमा ३.६५ अंकले ओरालो लागेको र १ अर्ब ८९ करोडभन्दा बढी रुपैयाँको कारोबार भएको थियो ।
नेपाल स्टक एक्सचेञ्ज (नेप्से)मा मंगलबार कूल २६२ कम्पनीको ३९ लाख ४६ हजार २४ कित्ता सेयर खरिद बिक्री हुँदा १ अर्ब रुपैयाँ ३८ करोड रुपैयाँभन्दा बढीको सेयर कारोबार भएको छ ।
कारोबारको आधारमा युनिभर्सल पावर कम्पनी शीर्ष स्थानमा रहेको छ । यसले आज ७ करोड ५५ लाखभन्दा बढीको कारोबार भएको छ । शिवम सिमेन्टको ६ करोड ५० लाखभन्दा बढीको कारोबार भएको छ ।
मंगलबार उपसूचकहरुमध्ये ४ कम्पनीबाहेक सबै कम्पनीमा ओरालो लागेको छ । आदिखोला लघुवित्त वित्तीय संस्था, आदर्श लघुवित्त वित्तीय संस्था र खप्तड लघुवित्त वित्तीय संस्थाको १० प्रतिशतको सेयर कारोबार भएको छ । यी कम्पनीले सर्वाधिक कमाएका छन् ।