साँकेतिक तस्बिर
गोरखा । गोरखा सदरमुकाम क्षेत्रमा शनिबार बिहान बैंक सहित ४ घरमा चोरी भएको छ । सदरमुकाम स्थित बसपार्क रोडमा रहेको नविन बैंक सहित होटल, मेडिकल र श्रृगार पसलमा चोरी भएको हो ।
नबिल बैंककाे भल्डमा जान फाेरीएकाे ढाेका
चोरले बैंकको भल्ड फुटाउने कोशिस गरेको भएता पनि नसके पछि त्यतीकै फर्किएको गोरखा प्रहरीले जानकारी दिएको छ । २ जनाको समूहमा आएको चोरहरुले गोरखा नगरपालिका–७ को नयाँ बजारमा रहेको श्रृगारको पसल चोरी गरेका थिए भने त्यसको लगत्तै ३ घर वरपर रहेको अर्याल मेडिकलमा चोरी गरेका थिए ।
चाेरी भएकाे जानकारी पाए लगत्तै गाेरखा प्रहरीकाे अनुसन्धान
उक्त समूहले मेडिकलमा रहेको ५ हजार रुपैयाँ चोरी गरेको सञ्चालक बिनोद अर्यालले जानकारी दिए । तर दुवै पसलमा रहेको ५० रुपैयाँ भन्दा साना नोठहरु भने नचोरिएको प्रहरीले जनाएको छ ।
श्रृगार पसल र मेडिकलमा चोरी गरे लगत्त उनीहरुले गोरखा नगरपालिका–६ को बसपार्कमा रहेको न्यू प्याराडाइज होट र सोही होटलका हातामा रहेको आयुवैदिक पसलमा चोरी गरेका थिए । होटलमा नगद नपाए पछि आयुवैदिक पसलमा पुराना कागजका नोठहरु चोरी गरेको सञ्चालक अयोध्या जोशीले जानकारी दिए । जोशीका अनुसार उनले संकलन गरेर राखेको करिब ३ हजार बरावरको पुराना नेपाली नोटहरु चोरहरुको समूहले लगेको जानकारी दिए ।
चाेरी हुदाँ प्रहरीमा साइरन बज्ने सामाग्री
त्यस लगत्तै सोही समुहले बैंक रोडमा रहेको नबिल बैंकमा छिरेर भल्ड फुटाउने असफल प्रयास गरेका थिए । सुरक्षा गार्ड र घरबेटी नभएको मौका छोपेर भल्डमा जाने क्रममा चाँबी भाँचिए पछि त्यहाँबाट उनीहरु निस्किएको सिसी टिभी फुटेजमा देखिएको शाखाका प्रबन्धक नारायण भट्टले जानकारी दिए ।
बैंककाे भल्डकाे अवस्था जाँच गर्दै गाेरखा प्रहरी
बैंक चोरी हुन खोज्दा प्रहरीमा बज्ने साईरनको तार काटेर चोरहरुले चोरीको प्रयास गरेका थिए । बैंकमा कोही पनि नभएको मौकी छोपी सुरक्षा गार्ड सुत्ने कोठाको झ्यालको जाली च्यालेर भित्र छिरेका उनीहरुले बैंकका सबै चाँवी फेला पारे पछि चोरीको प्रयास गरेका थिए ।
सिसी टिभी फुटेजमा चोर्न आउने २ जना देखिएको र उनीहरुले तलदेखी माथिसम्मे नचिनीने गरी सेता कपडा लगाएको देखिएको गोरखा प्रहरीले जानकारी दिएको छ ।
नयाँ बजारकाे श्रृगार पसलमा चाेरले त्यतीकै छाडेर गएकाे ५, १० र २० काे नाेटहरु
चोरी भएको स्थानमा प्रमुख जिल्ला अधिकारी दिनेश सागर भूषाल, प्रहरी उपरिक्षक अनुपम श्रेष्ठका साथै गोरखा नगरपालिका वडा नम्बर ६ का मेयर गएर अबलोकन समेत गरेका थिए ।
यसअघि पालुङटार नगरपालिकामा पनि एकैरातमा दर्जन भन्दा बढी घरमा सोही प्रकृतिको चोरी भएको थियो ।
चोरीको घटना बढेको भन्दै गोरखा प्रहरीले विशेष सुरक्षा ब्यवस्था मिलाएको प्रहरी उपरिक्षक अनुपम श्रेष्ठले जानकारी दिए ।