काठमाडौँ । प्रधानमन्त्री पुष्पकमल दाहाल (प्रचण्ड) र नेकपा एमाले अध्यक्ष केपी शर्मा ओलीबीच बालकोटमा भेटवार्ता भएको छ । बुधबार बिहान ओली निवास बालकोटमा २ नेताबीच भेटवार्ता भएको हो ।
राष्ट्रिय स्वतन्त्र पार्टी सरकारबाट बाहिरिएपछि २ शीर्ष नेताबीच भेटघाट एक्कासी बाक्लिन थालेको हो । मंगलबार प्रधानमन्त्री निवास बालुवाटारमा ओली र दाहालसँग छलफल भएको थियो ।
रबि लामिछानेको पार्टी सरकारबाट बाहिरीएपछि दाहालले जनता समाजवादी पार्टी र एकीकृत समाजवादीलाई सरकारमा ल्याउन गृहकार्य थालेका छन् ।
राष्ट्रपति र उपराष्ट्रपतिको निर्वाचन नजिकिँदै गर्दा दुवै जनाबीच भेट बाक्लिएको अनुमान गरिन थालेको छ ।
राष्ट्रपतिमा राष्ट्रिय सहमति खोज्ने भन्दै कांग्रेससँगको सहकार्यमा माओवादीले संकेत जनाएपछि एमाले संशकित भएको छ ।
यता एमालेले पूर्वसहमतिअनुसार नै आफूले राष्ट्रपति पद पाउनुपर्ने सार्वजनिक रुपमा नै बताउँदै आएको छ ।
