साँकेतिक तस्बिर
झापा । आफ्नै श्रीमतीको हत्या आरोपमा अर्जुनधाराको नयाँ खसी बजार बस्ने १ जना पुरुषलाई प्रहरीले पक्राउ गरेको छ । हत्या अभियोगमा उदयपुर घर भई हाल झापा अर्जुनधारा नगरपालिका–८ नयाँखसी बजार बस्ने ३३ वर्षीय मनोज बस्नेतलाई प्रहरीले पक्राउ गरेको हो ।
मनोजले ४५ वर्षीया आफ्नो श्रीमती कल्पना पोखरेल (बस्नेत)को हत्या गरेको अभियोगमा प्रहरीले पक्राउ गरेको झापा प्रहरीले जनाएको छ ।
मनोजले कल्पनालाई ४ दिन अगाडी आफ्नै घरमा हत्या गरी आफ्नै घरदेखि करिब २०० मिटर टाढा खाली चौरमा खाल्डो खनी गाडेको अवस्थामा प्रहरीले शव फेला पारेको थियो ।
घटनाको अनुसन्धान गरेको प्रहरीले हत्यामा मनोज संलग्न देखिए पछि ईलाका प्रहरी कर्यालय अनारमनी र प्रहरी चौकी शनिश्चरेबाट खटिएको प्रहरीको टोलीले उनलाई पक्राउ गरेको हो ।
