काठमाडौं । नेपाल राष्ट्र बैंकका पहिलो गभर्नर हिमालय शमसेर राणाको निधन भएको छ । ९५ वर्षीय राणाको उपचारका क्रमममा थापाथलीस्थित नर्भिक अस्पतालमा आइतबार बिहान ६ः३० बजे निधन भएको अस्पताल प्रशासनले पुष्टी गरेको हो ।
राणा नेपाल राष्ट्र बैंकको संस्थापक गभर्नर र पूर्व अर्थ सचिव समेत हुन् । उनले सन् १९६२ देखि १९८६ सम्म संयुक्त राष्ट्र संघ अन्तर्गत विभिन्न देशमा रहेर काम समेत गरेको पूर्वमन्त्री सुनिलबहादुर थापाले जानकारी दिए ।
राणाको अग्रसरतामा सन् १९८७ मा नेपालमा गोर्खा ब्रुअरी र सन् १९९३ मा पाकिस्तानको हबिब बैंकसँगको संयुक्त लगानीमा हिमालयन बैंक लिमिटेड स्थापना भएको थियो । राणा हिमालयन बैंकको अध्यक्ष पनि थिए ।