गोरखा । गोरखा जिल्ला बचत तथा ऋण सहकारी संघको विशेष साधारण सभा सम्पन्न भएको छ । संघ क्रियाशिल नभएको भन्दै बहुमत सदस्य संस्थाहरुले विशेष साधारण सभाको माग गरे संगै भएको अधिवेशनले नयाँ कार्य समितिको चयन गरेको हो ।
)०७३ सालमा स्थापना भएर क्रियाशिल हुदै आएको संघ केही ब्यक्तिको बहुलठठ्ी पनाले संघ टाट पल्टिएको र क्रियाशिल हुन नसके पछि बहुमत सदस्य संस्थाले विशेष साधारण सभाको माग राख्दै संघमा निवेदन दिएको थियो । सदस्य संस्थाहरुको माग अनुसार शनिबार गोरखा सदरमुकाममा भएको विशेष साधारण सभाले नयाँ कार्य समितिको चयन गरेको हिमचुली बचत तथा ऋण सहकारी संस्थाबाट प्रतिनिधि भएका आएका रामबाबू श्रेष्ठले बताए ।
संघले स्थापनाको केही बर्ष पछि नै सदस्य संस्थाबाट प्रति सदस्य मासिक रुपमा ५ रुपैयाँका दरले बचत गर्ने र नेफ्कुनबाट उपलब्ध भएका सहकारीका सामाग्रीहरु बिक्री गर्दै आएको भएता पनि पछिल्लो समय संस्थाले गरेको बचत समेत संघले हिनामिना गरे पछि विशेष साधारण सभाको माग राखिएको हो ।
बिशेष साधारण सभामा संघमा आबद्व रहेका ३४ वटा सहकारी संस्थाका प्रतिनिधिहरुको उपस्थिती रहेको थियो ।
विशेष साधारण सभाले तिर्थबहादुर नेपालीको अध्यक्षतमा ९ सदस्यीय नयाँ कार्य समितिको चयन गरेको छ भने ३ सदस्यीय लेखा समिति गठन समेत गठन गरेको छ ।
नयाँ कार्य समितिको उपाध्यक्षमा कृष्णकुमार श्रेष्ठ, महासचिबमा सुशील अर्याल र कोषध्यक्षमा तारा बस्याललाई चयन गरिएको संघले जनाएको छ । लेखा समितिको संयोजकमा भने भिमबहादुर खत्री चयन भएका छन् ।
निर्वतमान अध्यक्ष बाबुराम थापाको अध्यक्षतामा भएको कार्यक्रममा प्रमुख अतिथी जिल्ला सहकारी संघ गोरखाका अध्यक्ष बाबुराम कोईरालाले सहकारी क्षेत्रको महत्व र बचत सस्थाको छाता संघको गठन सबै मिलेर आपसी सहमतिमा अघि बढ्नु पर्ने धारणा व्यक्त गरे ।