साँकेतिक तस्बिर
पोखरा । पोखरामा भएको टाईगर कप भलिबल प्रतियोगीतामा खेलाडी माथी बोतल प्रहार भएको छ ।
पोखराको रंगशालामा आयोजित उक्त खेलमा गण्डकी प्रदेश र शसत्र प्रहरी बलको फाइनल खेल चलिरहेको बेला खेलाडी माथि बोतल प्रहार भएको हो ।
दर्शकले खचाखच भरिएको खेल मैदानमा कसले के का लागि खेलाडी माथि बोतल प्रहार गर्यो भन्ने बारेमा आयोजक समेत अन्यौलमा परेको छ । शनिबार भएको फाईनल खेलमा ५ हजार भन्दा बढी दर्शक खेल मैदानमा भएको अनुमान गरिएको थियो ।
खेल संचालनको क्रममा पछाडी रहेका दर्शकलाई खेल हेर्न असहज भएपछी केहि दर्शकहरुले शसस्त्रका खेलाडीहरुलाई बसिदिन आग्रह गरेका थिए । त्यसैक्रममा खेलमा सहभागी रहेका खेलाडीले रिस देखाएपछि खेल मैदानमा बिवाद सृजना भएको थियो ।
नेपाल प्रहरी र शसस्त्र प्रहरीले दर्शकलाई सम्झाउन प्रयास गरेपनि आक्रोशित भिडले उल्टो खेलाडी माथीनै बोतल प्रहार गरेका थिए । बोतल प्रहार भएपछी शसस्त्रको खेलाडीहरुले पनि रिसले थाम्न नसकेर उल्टै दर्शक सामु प्रहार गर्न लागेपछि दोहोरो बोतल हानाहान भएको थियो ।
केहि समयको विवादपछि अन्तत आयोजकले सुरक्षा घेरामा राखेर खेल अगाडी बढाएको थियो । सम्पन्न खेलमा गण्डकी प्रदेश प्रथम र शसत्र प्रहरीको टिम दोश्रो हुन सफल भएका थिए ।