काठमाडौँ । काठमाडौँको बानेश्वरमा हिजो पेट्रोल खन्याएर आत्मदाह गरेका प्रेमप्रसाद आचार्यको उपचारको क्रममा निधन भएको छ ।
कीर्तिपुरस्थित बर्न अस्पतालमा उपचारका क्रममा आचार्यको आज (बुधबार) बिहान मृत्यु भएको हो ।
आचार्यले मंगलबार संघीय संसद् भवनअगाडि दिउँसो आफैंलाई आगो लगाएर आत्महत्या प्रयास गरेका थिए ।
इलामको सूर्योदय नगरपालिका निवासी ३७ वर्षीय आचार्यले मंगलबार संसद भवन अगाडि शरीरमा पेट्रोल हालेर आत्मदाह प्रयास गरेका थिए ।
आचार्यलाई प्रहरीले उद्धार गरेर अस्पताल पुर्याएको थियो । उनको शरीरको ८० प्रतिशतभन्दा धेरै भाग जलेको थियो ।
आत्मदाह गर्नुअघि आचार्यले सबै उपाय लगाउँदा पनि केही उपाय लागेन भन्दै लामो स्टाटस लेखेका थिए ।