पोखरा । केही अगाडी पोखराको सेती खोँचमा भएको जहाज दुर्घटनामा परी निधन भएका पोखरा–४ गणेशटोल निवासी डाक्टर परिवारको सामूहिक दाहसंस्कार गरिएको छ । दुर्घटनाको ८ दिनपछि अस्पतालले परिवारलाई शव बुझाएपछि पोखरा सेती नदीस्थित तुल्सी घाटमा उनीहरूको सामूहिक दाहसंस्कार गरिएको हो ।
काठमाडौंबाट पोखरा आउने क्रममा जहाज दुर्घटनामा परी गणेश टोल निवासी एकै परिवारका ३ जनाको मृत्यु भएको थियो । जसमघ्ये ३८ वर्षीय डासुशील श्रेष्ठ, उनका धर्म पत्नि डा सोना श्रेष्ठ र १५ महिने छोराको निधन भएको थियो ।
सेती नदीमा आइतबार डाक्टर दम्पतीलाई एउटै चितामा राखेर दागबत्ती दिइएको थियो । नाबालक छोराको व्रतबन्ध भइनसकेका कारण सेती नदीको किनारमा शव गाडिएको थियो ।
डा सुशील बिगत २ वर्षदेखि राष्ट्रिय ट्रमा सेन्टरमा अर्थोपेडिक सर्जनका रूपमा कार्यरत हुनुहुन्थ्यो । डा सोनाले भने एमडी गर्दै गरेको पारिवारी स्रोतले जानकारी दिएको छ ।
डा सुशीलले काठमाडौँ मेडिकल कलेजबाट एमबीबीएस पढेर चिकित्सा विज्ञान राष्ट्रिय प्रतिष्ठान (न्याम्स) बाट अर्थोपेडिक सर्जरीमा एमडी गरेका थिए ।