काठमाडौं । सुनको मूल्यले यो वर्षकै नयाँ रेकर्ड बनाएको छ । माघ महिनाको पहिलो दिन सुनको मूल्य तोलामा १ हजार १०० रुपैयाँले बढेको छ ।
आइतवार सुन प्रतितोला १ लाख ५ हजार रुपैयाँ निर्धारण भएको नेपाल सुनचाँदी व्यवसायी महासंघले जनाएको छ । शुक्रवार तोलामा ५०० रुपैयाँले बढेर प्रतितोला १ लाख ३ हजार ९०० रुपैयाँमा कारोबार भएको थियो ।
चाँदीको मूल्य आइतवार तोलामा २५ रुपैयाँले बढेको छ । चाँदी प्रतितोला १ हजार ३९० रुपैयाँ कायम भएको छ ।
अन्तर्राष्ट्रिय बजारमा सुनको मूल्य क्रमिक बढ्दै प्रति औंस १ हजार ९२० डलर ३८ सेन्ट पुगेको छ । चाँदी प्रति औंस २४ डलर २७ सेन्टमा कारोबार भइरहेको छ ।