साँकेतिक तस्बिर
झापा । जिल्लाको खरबन्दीमा श्रीमतीले खाना नपाएको भन्दै लात्ताले हानेर हत्या गर्ने १ जना युवकलाई प्रहरीले पक्राउ गरेको छ । पक्राउ पर्नेमा अर्जुनधारा नगरपालिका–९ खरबन्दी डेरा गरी बस्ने भोजपुर अरुण गाउँपालिका–१ घर भएका ३५ वर्षीय बिश्वराज घिसिङ भएको प्रहरीले पुष्ट गरेको हो ।
बिश्वराजले आफ्नै श्रीमती ३६ वर्षीया प्रमिला भुजेल घिसिङको हत्या गरेको झापा प्रहरीले जनाएको छ ।
बिश्वराजले आफ्नी श्रीमती प्रमिलाले खाना नपकाएको भन्दै श्रीमतीलाई लात्ती हान्दा घटनास्थलमै मृत्यु भएको थियो । विश्वराजलाई प्रहरीले मंगलबार साँझ पक्राउ गरेको जनाएको छ ।
घटना लगत्तै ईलाका प्रहरी कार्यालय अनारमनीबाट खटिएको प्रहरीको टोलीले विश्वराजलाई पक्राउ गरेको हो ।
घटनाका सम्बन्धमा प्रहरीले आवश्यक अनुसन्धान गरिरहेको जनाएको छ ।