काठमाण्डौ । विश्व हिन्दू परिषद् नेपालले आजबाट शुभचिन्तक (सदस्यता) अभियान शुरू गरेको छ ।
परिषदले १५ दिनेको लागि देशैभरिका इकाइहरुमा यो अभियान शुरु भएको हो ।
पुष २३ गतेदेखि संचालित यस १५ दिने अभियानले १ लाख नयाँ शुभचिन्तक बनाउने लक्ष्य लिएको परिषदका राष्ट्रिय महासचिव जितेन्द्र कुमार सिंहले जानकारी दिए ।
परिषद्ले प्रत्येक वर्ष जनसंग्रह अर्थात संस्थामा नयाँ सदस्य जोड्नको लागि यो अभियान संचालन गर्दै आएको छ । यस अभियानमा परिषद्का हरेक स्तरका कार्यकर्ताहरु परिचालन गरिन्छ ।
हिन्दूहरुको मनमा हिन्दुत्वको भाव जागृत गराई संगठित गर्न हेतु विश्व हिन्दू परिषद स्थापनाकाल देखि नै हिन्दू समाजका सम्पूर्ण जातजाती, भाषाभाषी, लिंग, सम्प्रदायलाई लक्षित गरी अभियान संचालन गर्दै आएको महासचिव सिंहले बताए ।
राष्ट्र, धर्म र समाज रक्षा गर्न एवं नेपाल जस्तो पावन देवभूमीबाट धर्मान्तरण, गौहत्या, हिन्दूहरुको अपमान, शोषण, दमन, आतंकवाद, समाजिक भेदभाव, कुरिति, विदेशी घुसपैठ लगायतका विदेशी षडयन्त्रको अन्त्य गरी समरस, जागरुक तथा शक्तिशाली हिन्दू समाज निर्माण गरी गौरवशाली हिन्दू राष्ट्र निर्माण हेतु यस पवित्र अभियानमा सहभागिताको लागि विश्व हिन्दू परिषद् नेपालले सम्पूर्ण सनातन धर्मावलम्बीलाई आह्वान समेत गरेको छ ।