साँकेतिक तस्बिर
बागलुङ । बागलुङको रुवाङमा श्रीमानको कुटपिटबाट श्रीमतीको ज्यान गएको छ । जिल्लाको निसिखोला गाउँपालिका–६ रुबाङ बस्ने ३० वर्षीया मिना घर्तीको कुटपिटका कारण ज्यान गएको हो ।
श्रीमती कुटने ३३ वर्षीय धनबहादुर घर्ती भने घटना लगत्तै फरार रहेको बागलुङ प्रहरीले जानकारी दिएको छ ।
प्रहरीले कुटपिटमा संलग्न हाल फरार धनबहादुरको ब्यापक रुपमा खोजी भई रहेको जनाएको छ ।
घटनाको अनुसन्धान गरिरहेको प्रहरीले के कती कारण घटना भएको भन्ने कुरा पत्ता लगाउन सकेको छैन । प्रहरीका अनुसार फरार आरोपित पक्राउ नपर्दासम्म घटना के कारण भएको भन्ने भन्न नसकिने जनाएको छ ।