गोरखा । थाइल्यान्डको फुकेटमा जारी विश्व शारीरिक सुगठन प्रतियोगितामा नेपालका प्रज्वलमान शाक्यले काँस्य पदक हात पारेका छन् । १३ औं वर्ल्ड बडी बिल्डिङ एन्ड फिजिक्स स्पोर्ट्स च्याम्पियनसिपको ६५ केजीतर्फको विधामा शाक्यले काँस्य पदक हात पार्न सफल भएका हुन् ।
थाइल्यान्ड शारीरिक सुगठन तथा फिजिक स्पोर्ट्स संघको आयोजना भएको च्याम्पियनसीपको समूहमा शाक्यले काँस्य पदक हात पारेको संघका अध्यक्ष राजेशबावु श्रेष्ठले जानकारी दिए । थाइल्यान्डमा भएको शारीरिक सुगठन तथा फिजिक स्पोर्ट्समा ४४ राष्ट्रले भाग लिएको छ ।
संघका अध्यक्ष राजेशबाबु श्रेष्ठको नेतृत्वमा थाइल्यान्ड गएको टोलीमा निर्णायकको भूमिकामा दिनेश श्रेष्ठ छन् भने प्रशिक्षकमा विश्व शारीरिक सुगठनका रजत पदक विजेता रुजेश शाही र अफिसियलमा संघका उपाध्यक्ष राजेश उपाध्याय सहभागी भएका थिए ।