गोरखा । थाइल्यान्डको फुकेटमा जारी विश्व शारीरिक सुगठन प्रतियोगितामा नेपालकी श्वेता कपालीले रजत पदक हात पारेकी छिन् । १३ औं वर्ल्ड बडी बिल्डिङ एन्ड फिजिक्स स्पोर्ट्स च्याम्पियनसिपको फिजिक्स विधामा कपालीले रजत हात पारेकी हुन् ।
४४ राष्ट्रले भाग लिएको उक्त प्रतियोगितामा प्रि–जजिङ राउन्डमा श्वेताको समूहमा १० जना प्रतिस्पर्धामा उत्रिएका थिए । थाइल्यान्ड शारीरिक सुगठन तथा फिजिक स्पोर्ट्स संघको आयोजना भएको च्याम्पियनसीपको यस समूहमा हङकङकी तु सुयत यानले स्वर्ण जितिकी छिन् ।
संघका अध्यक्ष राजेशबाबु श्रेष्ठको नेतृत्वमा थाइल्यान्ड गएको टोलीमा निर्णायकको भूमिकामा दिनेश श्रेष्ठ छन् भने प्रशिक्षकमा विश्व शारीरिक सुगठनका रजत पदक विजेता रुजेश शाही र अफिसियलमा संघका उपाध्यक्ष राजेश उपाध्यायले सहभागीता जनाएका छन् ।
