साँकेतिक तस्बिर
दार्चुला । दार्चुलाको ब्यास गाउँपालिका–४ डोकटका ४० वर्षीय नरसिंह विष्ट हत्याको आरोपमा वडाध्यक्ष र पूर्ववडाध्यक्ष पक्राउ परेका छन् । दार्चुला प्रहरीले विष्टको हत्या आरोपमा वडाध्यक्ष र पूर्ववडाध्यक्ष गरी दुई जनालाई पक्राउ गरेका हो ।
पक्राउ पर्नेहरुमा ब्यास गाउँपालिका–४ का वडाध्यक्ष झुनसिंह विष्ट, पूर्ववडाध्यक्ष संग्रामसिंह विष्ट रहेको प्रहरीले पुष्टी गरेको छ ।
मंसिर ४ गते मतदान गरेर फर्केपछि बेपत्ता भएका नरसिंहको शव घर नजिकैको खोल्सीमा फेला परेको थियो। बेपत्ता भएका नरसिंहको भोलिपल्ट शव भेटिएको दार्चुला प्रहरीले जानकारी दिएको छ । चोटपटक लागेको अवस्थामा शव भेटिएपछि हत्या भएको हुनसक्ने भन्दै प्रहरीले अनुसन्धान अघि बढाएको थियो ।
सोही क्रममा उनीहरुलाई पक्राउ गरिएको जिल्ला प्रहरी कार्यालय दार्चुलाका प्रवक्ता तथा प्रहरी निरीक्षक राजेश शाहीले बताए ।