काठमाण्डौं । सुन र चाँदीको मूल्य आज पनि उकालो लागेको छ । सुनको मूल्य बढे संगै तोलाको १ लाख नजिक पुगेको हो ।
नेपाल सुनचाँदी व्यवसायी महासंघका अनुसार सोमबार सुनको मूल्य तोलामा ४०० रुपैयाँले बढेको छ । योसँगै प्रतितोला सुनको ९९ हजार ९०० रुपैयाँ र तेजाबी सुनको ९९ हजार ४०० रुपैयाँ कायम भएको छ ।
हिजो आइतबार पनि सुनको मूल्य तोलामा ४०० रुपैयाँले बढेको थियो । आइतबारका दिन प्रतितोला सुन ९९ हजार ५०० रुपैयाँमा कारोबार भएको थियो ।
आज चाँदीको मूूल्य पनि तोलामा १५ रुपैयाँले बढेर १ हजार ३८५ रुपैयाँ कायम भएको महासंघले जनाएको छ । हिजो तोलामा २५ रुपैयाँले बढेर चाँदी १ हजार ३७० रुपैयाँमा किनबेच भएको थियो ।