नुवाकोट । जिल्लाको भगेरी डाँडामा खुर्पा प्रहार गरी आमा छोरीको हत्या गरिएको छ । खुर्पा प्रहार गरी दुप्चेश्वर गाउँपालिका–५ भगेरी डाँडा बस्ने १९ वर्षीया सम्झना खतिवडा र उनकी छोरी ४ वर्षीया कृष्टिना खतिवडाको हत्या गरिएको नुवाकोट प्रहरीले जनाएको छ ।
हत्या आरोपमा सोही ठाउँ बस्ने २१ वर्षीय पुष्कल भन्ने सोनाम तामाङलाई प्रहरीले मंगलबार बिहान प्रहरीले पक्राउ गरेको हो ।
सोनामले मृतकको घरमा गई सम्झना र कृष्टिना खतिवडालाई खुर्पा प्रहार गर्दा दुवै जनाको सोमबार राति नै घटनास्थलमै मृत्यु भएको थियो ।
घटना लगत्तै प्रहरी चौकी समुन्द्रटार र जिल्ला प्रहरी कार्यालय नुवाकोटबाट खटिएको प्रहरीको टोलीले उनलाई पक्राउ गरेको हो । घटना लगत्तै फरार रहेका सोनामलाई नजिकै रहेको जंगलमा लुकिछिपी बसेको अवस्थामा फेला पारी पक्राउ गरिएको प्रहरीले जनाएको छ ।