तनहुँ । तनहुँको ब्यास नगरपालिका १२ छिर्केनेमा चितुवाको आक्रमणबाट मंगलवार साँझ एक बालकको मृत्यु भएको छ ।
जिल्ला प्रहरी कार्यालय तनहुँका अनुसार साँझ ६ः३० बजेको समयमा घर नजिकै बसिरहेका राजु कुँवरका ८ वर्षीय छोरा अभिनव कुँवरलाई चितुवाले आक्रमण गर्दा मृत्यु भएको हो ।
जिल्ला प्रहरी कार्यालय तनहुँका प्रहरी नायव उपरिक्षक एवं सूचना अधिकारी युवराज खड्काका अनुसार घटना भएको सूचना लगत्तै प्रहरी टोली तर्फ परिचालन गरिएको भएता पनि बालक मृत्त अवस्थामा फेला परेको बताए ।
गएको कार्तिक ४ गते मात्रै पनि तनहुँको बन्दीपुर गाउँपालिका–३ सिस्नेघारीमा चितुवाको आक्रमणबाट ११ वर्षीय विना चेपाङको मृत्यु भएको थियो ।
