एजेन्सी । ब्राजिलमा कोभिड १९ विरुद्धको संघर्षका क्रममा कम्तीमा पनि ४ हजार ५०० जना स्वास्थ्यकर्मीको ज्यान गएको छ ।
जनस्वास्थ्यसम्बन्धी एक विश्व संस्थाले गरेको अनुसन्धानबाट यो तथ्य खुलेको हो ।
सो संस्थाले गरेको अनुसन्धानबाट ब्राजिलमा कोभिड १९ को उपचारमा खटेका स्वास्थ्यकर्मी मध्ये ४ हजार ५०० जनाको ज्यान गएको पाइएको हो ।
पब्लिब सर्भिस् इन्टरनेशसन (पिएसआइ)ले गरेको एक विश्वव्यापी अनुसन्धानमा ब्राजिलमा मात्र चिकित्सक, नर्स र कोभिडको उपचारमा खटेका अन्य स्वास्थ्यकर्मीहरु मध्ये ४ हजार ५०० को ज्यान गएको पाइएको हो ।
ती स्वास्थ्यकर्मीहरुको सन् २०२० को डिसेम्बेरदेखि सन् २०२१ मा गरेर ज्यान गएको हो । यो समय ब्राजिलमा कोभिड १९ को एक उच्च तहमा महामारी पुगेको थियो ।
यसरी ज्यान जानेमा १ हजार १८४ जना नर्स रहेका छन् । उनीहरु ब्राजिलमा कोभिड १९ महामारी उच्च बिन्दु पुगेका बेला कार्यरत रहेका थिए ।
ब्राजिल कोभिड १९ बाट संयुक्त राज्य अमेरिकापछि सबैभन्दा बढी मानिसहरुको निधन भएको देश हो । यहाँ ६ लाख ८७ हजारजनाभन्दा बढीको ज्यान गएको छ ।
पिएसआइले विश्वका १५४ देशका करिब ३ करोड स्वास्थ्यकर्मीमा यो अनुसन्धान गरेको जनाएको छ ।
यसका लागि सो संस्थाले स्वास्थ्यसम्बन्धी विश्वका ७०० जति ट्रेड युनियन संस्थाहरु पनि जम्मा पारेको बताएको छ ।