काठमाण्डौं । बलात्कार आरोपमा प्रहरी हिरासतमा रहेका क्रिकेटर सन्दीप लामिछानेलाई शुक्रबार नेपाल क्रिकेट संघ (क्यान) का अध्यक्ष चतुरबहादुर चन्दले भेट गरेका छन् ।

प्रहरी स्रोतले दिएको जानकारी अनुसार गौैशाला प्रहरी वृत्तको हिरासतमा रहेका लामिछानेलाई भेट्न अध्यक्ष चन्द शुक्रबार बिहान पुगेका हुन् ।

भेटमा लामिछानेले आफूलाई फसाइएको भन्दै कानुनी लडाईँ लड्ने जानकारी दिदै क्यानले सकेको सहयोग गर्न चन्दलाई अनुरोध गरेका थिए । सन्दीपले उक्त अवशरमा ‘म निर्दोष छु । मलाई फसाइयो । अब कानुनअनुसार लड्छु । क्यानले सक्ने सहयोग गर्नुपर्छ ।’ भनेको स्रोतले जानकारी दिएको छ ।

सीपीएल खेल्न जमैकामा रहेका बेला नेपालमा सन्दीपमाथि बलात्कार आरोपमा प्रहरीमा उजुरी परेको थियो । एक १७ वर्षीया बालिकाले उनीमाथि बलात्कारको आरोप लगाएकी थिइन् ।

आरोप लागेपछि सामाजिक सञ्जालमार्फत सन्दीपले छिट्टै नेपाल फर्किने बताए पनि करिब १ महिनासम्म नआएपछि नेपाल प्रहरीले इन्टरपोल गुहारेको थियो ।

इन्टरपोलमार्फत् डिफ्युज नोटिस जारी भएपछि सन्दीपले नेपाल आएर प्रहरी समक्ष आत्मशमर्पण गरेका थिए ।

प्रहरीले सन्दीपलाई बिहीबार त्रिभुवन अन्तर्राष्ट्रिय विमानस्थलबाट नियन्त्रणमा लिएको थियो । उनी कतारको दोहाबाट कतार एयरवेजमार्फत बिहीबार बिहान काठमाण्डौंको त्रिभूवन अन्तराष्ट्रिय विमान स्थल उत्रिएका थिए ।

लेखकबाट थप:

• बराम समुदायबाट पहिलाे पटक गाेरखाका किरण नेपाल सरकारकाे उप सचिव हुदै
• गोरखाबाट उद्धार गरिएकी गर्भवती महिलालाई राजधानीकाे प्रसुती गृह लगियाे
• उत्तरी गोरखाबाट गर्भवती महिलाकाे हेली मार्फत उद्वार हुदै
• बाढी र पहिरोका कारण देशका प्रमुख राजमार्ग प्रभावित (सूचीसहित)
• नेपाल राष्ट्र बैङ्कले शनिबारकाे लागि निर्धारण गरेकाे विदेशी मुद्राको विनिमयदर