काठमाण्डौँ । एएफसी यु–१७ एसियन कप छनोट २०२३ अन्तर्गत आज सम्पन्न पहिलो खेलमा नेपाल थाइल्यान्डसँग ३–० ले पराजित भएको छ ।
भियतनाममा जारी प्रतियोगिता अन्तरर्गत बुधबार भएको पहिलो खेलमा थाइल्यान्डलाई जित दिलाउन तोतावानले १ र थानाक्रितले १ गोल गरेका थिए ।
३०औं मिनेटमा तोतावानको गोलमा थाइल्यान्डले अग्रता लिएको थियो । ६५औं मिनेटमा तातावानको व्यक्तिगत दोस्रो गोल गर्दा २–० ले नेपाल पछाडी परेको थियो । ७८औं मिनेटमा थानाक्रितले थाइल्यान्डका लागि तेस्रो गोल गरे ।
समूह ‘एफ’मा रहेको नेपालले शुक्रबार दोस्रो खेलमा घरेलु टोली भियतनाम र अन्तिम खेलमा आइतबार चाइनिज ताइपेईको सामना गर्नेछ ।
छनोटमा सहभागी ४४ टोलीलाई १० समूहमा विभाजन गरिएको छ । प्रत्येक समूहको शीर्ष टोलीका साथै उत्कृष्ट ६ उपविजेता एसिया कप २०२३ का लागि छनोट हुनेछन् ।