एजेन्सी । यस वर्षको रसायनशास्त्रतर्फको नोबेल पुरस्कारको घोषणा गरिएको छ । यस पटक ३ जनालाई संयुक्तरूपमा यो पुरस्कार दिइने भएको छ ।
नोबेल पुरस्कार छनोट समितिका अनुसार यस पटक क्यारोलिन आर बेरटोजी, मोर्टेन मेलडाल र के बेरी शार्पलेसलाई रसायनशास्त्रतर्फको नोबेल पुरस्कार दिइने भएको हो ।
शार्पलेसले नोबेल पुरस्कार पाएको यो दोस्रो पटक हो । यसअघि उनले सन् २००१ मा नोबेल पुरस्कार पाएका थिए ।
‘ुक्लिक केमिस्ट्री’ पनि भनिने अणुहरूको समूहलाई काँटछाँट गर्ने कामका लागि यी ३ जनालाई पुरस्कार दिइएको हो ।
विजेताले १ करोड स्विडिश क्रोना अर्थात् ९ लाख अमेरिकी डलर बराबरको पुरस्कार पाउने छन् ।
गएको वर्षको यो पुरस्कार २ जना वैज्ञानिकलाई संयुक्तरूपमा प्रदान गरिएको थियो ।
