झापा । झापाको मिलन चौक सिमलडाँगीमा आमा र काकाको हत्या गरेको आरोपमा १ जनालाई प्रहरीले पक्राउ गरेको छ । पक्राउ पर्नेमा कमल गाउँपालिका–२ मिलन चौक सिमलडाँगी बस्ने २० वर्षीय चन्द्र माझी रहेको झापा प्रहरीले पुष्टी गरेको छ ।
चन्द्रले खुकुरी प्रहार गरेर आफ्नै आमा ५० वर्षीया चन्द्रकला माझी र काका ५० वर्षीय सन्तबहादुर माझीको हत्या गरेको प्रहरीले जनाएको छ ।
खुकुरी प्रहारबाट दुबै जनाको घट्नास्थलमै मृत्यु भएको थियो । चन्द्रेलाई प्रहरीले शनिबार पक्राउ गरेको हो । घटना लगत्तै ईलाका प्रहरी कार्यालय दमकबाट खटिएको प्रहरीको टोलीले उनलाई पक्राउ गरेको हो ।
प्रहरीले घटनाको अनुसन्धानको लागि आरोपितको बुबालाई समेत नियन्त्रणमा लिएको छ ।