बर्दिया । आफ्नै छोरा २० वर्षीय छोराको हत्या आरोपमा बर्दियाको बिजयनगरबाट १ जनालाई प्रहरीले पक्राउ गरेको छ । पक्राउ पर्नेमा बारबर्दिया नगरपालिका–११ बिजयनगर बस्ने ४५ वर्षीय लौरंगलाल थारू भएको प्रहरीले पुष्टी गरेको छ ।
लौरंलालले बुधबार फुटेको बियरको बोतलले पेटमा प्रहार गरी छोरा बिबेक चौधरीको हत्या गरेको बर्दिया प्रहरीले जनाएको छ । बोतल प्रहारबाट गम्भीर घाइते भएका बिबेकको उपचारको लागि अस्पतालतर्फ लैजाने क्रममा बाटोमै मृत्यु भएको थियो ।
घटना लगत्तै फरार रहेका उनलाई जिल्ला प्रहरी कार्यालय बर्दियाबाट खटिएको प्रहरीको टोलीले गुलरिया नगरपालिका–११ ईन्द्रपुरमा लुकिछिपी हिँडिरहेको अवस्थामा फेला पारी पक्राउ गरेको हो ।
प्रहरीले घटनाको अनुसन्धान भईरहेको जनाएको छ ।