काठमाण्डौं । नेपालमा डेंगु संक्रमणबाट आज २ जनाको मृत्यु भएको छ । स्वास्थ्य तथा जनसंख्या मन्त्रालयका अनुसार बिहीबार डेंगु संक्रमणबाट २ जनाको मृत्यु भएको हो । योसँगै डेंगुबाट मृत्यु हुनेको संख्या ३८ पुगेको छ ।
मन्त्रालयको पछिल्लो तथ्यांक अनुसार साउनयता २८ हजार १०९ जनामा डेंगु संक्रमण भइसकेको छ । हाल मुस्ताङबाहेक सबै जिल्ला देखिएको छ । डेंगु संक्रमणबाट सबैभन्दा बढी काठमाण्डौं उपत्यकाका बढी प्रभावित भएको छ ।
मन्त्रालयले आज सार्वजनिक गरेको तथ्यांक अनुसार सबैभन्दा बढी बागमती प्रदेशमा २१ हजार ९७५, लुम्बिनीमा प्रदेशमा ३ हजार १२५, सुदूरपश्चिम प्रदेशमा ८५० जनामा डेंगु पुष्टि भई सकेका छन् ।
त्यसैगरी, गण्डकीमा ६७७, मधेश प्रदेशमा ४१३ र कर्णाली प्रदेशमा २३८ जनामा संक्रमण देखिएको छ ।
