गोरखा । जिल्ला प्रशासन कार्यालय गोरखाले आज जिल्ला भित्र रहेका सबै बैंकलाई निर्देशन जारी गर्दै एटिएम सेवा दुरुस्त राख्न भनेको छ ।
जिल्ला प्रशासन कार्यालय गोरखामा आज बैंकका प्रतिनिधीहरुको बैंकठमा प्रमुख जिल्ला अधिकारी शंकरहरी आचार्यले एटिएम सेवा चालु अवस्थामा राखी सेवाको निरन्तरता सुनिश्चित गर्न भनेको हो ।
जिल्ला भित्रका सबै बित्तिय संस्थाहरुको प्रतिनिधीको उपस्थिती रहेको बैठकले बित्तिय संस्थामा रहेको सुरक्षा गार्डहरुको नाम र सम्र्पक नम्बर भने आजै (बिहिबार) नै जिल्ला प्रहरी कार्यालय गोरखामा बुझाउने निर्णय भएको छ ।
बैंक तथा बित्तिय संस्थाहरुले उचित सिसी क्यामेरा र बक्तिको प्रबन्ध नगरेको पाइएकोले सबैलाई तत्कालै सिसी क्यामेरा राख्न र बक्तिको उचित प्रबन्ध गर्न समेत भनेको छ ।
बैठकमा प्रजिअ आचार्य, सहायक प्रजिअ चित्राङगत बराल, प्रमुख कोष नियन्त्रक महेन्द्रप्रसाद भण्डारी, प्रमुख सेनानी हेमराज बिष्ट, प्रहरी उपरिक्षक केदार खनाल, उप अनुसन्धान अधिकृत सुदिप अधिकारी, सशत्र प्रहरी नायब उपरिक्षक सुजित बिष्ट, राबा बैंक गोरखाका प्रमुख कपिल कार्की, एनएमवि बैंक गोरखाका प्रबन्धक केशव रेग्मी, ग्लोबल आईएमई बैंकका प्रबन्धक रामचन्द्र कडेल, कुमारी बैंकका प्रवन्धक सञ्जिव कोइराला, नबिल बैंकका प्रबन्धक नारायण भट्ट, रिलायन्स फाइनान्सका प्रबन्धक हिमाल खड्का, मुक्तिनाथ बिकास बैंकका प्रवन्धक नरेश कुवर, सानिका बैंकका प्रवन्धक गणेशकुमार मल्ल, साग्रीला बैंकका प्रबन्धक सन्दिप श्रेष्ठ, प्रभु बैंकका प्रबन्धक सन्तोष अर्याल, सिदार्थ बैकका प्रबन्धक जिवन बानियाँ, गरिमा बिकास बैंकका प्रबन्धक प्रकाश ओझा, मेगा बैकका प्रबन्धक अजितरमण खनाल र हिमालयन बैंकका प्रबन्धक पुरुषोत्तम सुवेदीको उपस्थिती रहेको जिल्ला प्रशासन कार्यालय गोरखाले जानकारी दिएको छ ।
