सन्दर्भ तस्बिर
कैलाली । आफ्नै श्रीमती ३३ वर्षीया ललीता नाम्जाली मगरको कुटपिट गरी हत्या गरेको अभियोमगा गौरीगंगा नगरपालिका–५ अण्डैया बस्ने ३६ वर्षीय शेर बहादुर नाम्जाली मगरलाई प्रहरीले पक्राउ गरेको छ ।
घरायसी विवादमा शेरबहादुरले श्रीमती र छोराछोरीलाई समेत कुटपिट गर्दा ललीताको मृत्यु भएको प्रहरीले जनाएको छ ।
कुटपिटबाट १७ वर्षीया छोरी गम्भीर घाइते र १२ वर्षीय छोरा सामान्य घाइते भएका छन् ।
घटना लगत्तै ईलाका प्रहरी कार्यालय मसुरिया र ईलाका प्रहरी कार्यालय मालाखेतीबाट खटिएको प्रहरीको टोलीले अण्डैया गाउँबाट भागरिरहेको अवस्थामा उनलाई पक्राउ गरेको थियो ।
गम्भीर घाइते छोरीको भने सेति प्रादेशिक अस्पताल धनगढीमा उपचार भई रहेको छ ।
घटनाका सम्बन्धमा प्रहरीले अनुसन्धान गरिरहेको जनाएको छ ।