कपिलवस्तु । महाराजगंज नगरपालिका–२ पडरीया बस्ने ६८ वर्षीय अब्दुल जब्बार धुनियाको कुटपिट गरी हत्या गरेको अभियोगमा बावु छोरालाई आज प्रहरीले पक्राउ गरेको छ ।
पक्राउ पर्नेहरुमा सोही ठाउँ बस्ने ६३ वर्षीय अब्दुलहक मुसलमान र उनकै २० वर्षीय छोरा सम्साद मुसलमान रहेको कपिलबस्तु प्रहरीले जनाएको छ ।
सिचाई गर्ने कुलोको विषयमा अब्दुलजब्बार धुनिया र सोही ठाउँ बस्ने ३८ वर्षीय अब्दुल रहमानलाई कुटपिट गर्दा गम्भीर घाइते भएका थिए । गम्भीर घाइते भएका अब्दुलजब्बार धुनियाको जिल्ला अस्पताल तौलिहवामा उपचारको क्रममा मृत्यु भएको प्रहरीले जानकारी दिएको छ ।
अर्का घाइते अब्दुल रहमानको पनि सोही अस्पतालमा उपचार भइरहेको छ । ईलाका प्रहरी कार्यालय महाराजगंजबाट खटिएको प्रहरीले कुटपिटमा संलग्न दुबै जनालाई पक्राउ गरेको हो ।
घटनाका सम्बन्धमा प्रहरीले अनुसन्धान गरिरहेको जनाएको छ ।
