गोरखा । सदरमुकाममा रहेको सिद्वि गणेश बचत तथा ऋण सहकारी संस्था ली.ले ४६ लाख भन्दा बढी नाफा गर्न सफल भएको छ । संस्थाको आज भएको १२ औं साधारण सभामा सबै खर्च कटाएर ४६ लाख १३ हजार ६३३ रुपैयाँ नाफा गर्न सफल भएको कोषाध्यक्ष बिशाल राना मगरले जानकारी दिए ।
सभाको एक कार्यक्रम बिच गोरखा नगरपालिका प्रमुख कृण्णबहादुर राना मगरले पानसमा बत्ती बालेर उदघाटन गरेका थिए । उदघाटन कार्यक्रममा बोल्दै प्रमुख रानाले नगर क्षेत्र भित्र भएका केही सहकारी केबल गर्जो टार्नका लागि मात्र स्थापना भएको जस्तो भएको भन्दै अब उत्पादन मुलक कार्यमा लगानी बढाउन आग्रह गरे ।
उनले उत्पादन मुकल क्षेत्रमा लगानी गर्ने सहकारीलाई अब नगरपालिकाले पनि सहयोग गर्ने भन्दै सही ठाउँमा भएको लगानीले नगरपालिकाको बिकासमा पनि साथ दिने धारणा ब्यत्त गरे । नगर क्षेत्र भित्र रहेको सहकारीमा सिद्वान्त बिपरीत काम गर्ने प्रचलन बढेको गुनासो गदै प्रमुख राना मगरले केही समय भित्रै सबै सहकारीको अनुगमन गरिने पनि बताए ।
३ करोड ७८ लाख ७२ हजार ९०० शेयर पुजी रहेको सिद्वि गणेशको सबै शिर्षकमा गरी कुल १६ करोड ३९ लाख १९ हजार २६९ बचत गर्न सफल भएको र त्यस मध्ये १५ करोड २० लाख १ हजार ११० रुपैयाँ लगानी गर्न सफल भएको छ ।
साधारण सभामा सचिव काजीराम श्रेष्ठले प्रगती प्रतिवेदन पेश गरेका थिए भने कोषाध्यक्ष विशाल राना मगरले आर्थिक प्रतिवेदन पेश गरेका थिए ।
संस्थामा ६२७ जना महिला र ६८९ जना पुरुष गरी कुल १ हजार ३१६ जना शेयर सदस्य रहेको सिद्वि गणेश बचत तथा ऋण सहकारी संस्थाका प्रमुख गणेश श्रेष्ठले जानकारी दिए ।
संस्थाका अध्यक्ष शरदबावु कट्टेलको अध्यक्षतामा भएको साधारण सभामा जिल्ला सहकारी संघका उपाध्यक्ष रामबावु श्रेष्ठ, गोरखा उद्योग बाणिज्य संघका अध्यक्ष कृण्णकुमार श्रेष्ठ र निर्वतमान अध्यक्ष अच्यूतलाल श्रेष्ठले समेत आ–आफ्नो धारणा राख्दै शुभ कामना मन्तब्य राखेका थिए ।