काठमाण्डौं । नोबल कोरोना भाइरस (कोभिड–१९)बाट आज थप ५५३ जनामा संक्रमण पुष्टी भएको छ । देशै भरको विभिन्न प्रयोगशालामा ३ हजार ७८९ जनाको नमूना परिक्षणका क्रममा आइतबार थप ५५३ जनामा संक्रमण देखिएको स्वास्थ्य तथा जनसंख्या मन्त्रालयले पुष्टी गरेको हो ।
आइतबार संक्रमण देखिएका मध्ये २ हजार ४० जनाको पिसिआर गर्दा ४५१ जना र १ हजार ७४९ जनाको एन्टिजेन परिक्षण गर्दा १०२ जनामा संक्रमण देखिएको हो । योसंगै संक्रमित हुनेको संख्या ११ लाख ३४ हजार ७३८ जना पुगेको छ ।
आइतबार नै देशैभर थप ४३३ जनाले कोरोना जित्न सफल भएका छन् । योसंगै कोरोना जित्नेको संख्या ९ लाख ७२ हजार ४९७ जना पुगेका छन् ।
मन्त्रालयले आज सार्वजनिक गरेको विवरण अनुसार देशैभर ५ हजार ६५९ जना सक्रिय संक्रमत रहेका छन् ।
