गोरखा । नेपाल प्रेस युनियनको हेटौडामा सम्पन्न नवौं महाधिवेशनको पदाधिकारीहरुको मत गणना सम्पन्न भएको छ । सम्पन्न मत गणना अनुसार संस्थापन पक्षलाई पछि पार्दै राष्ट्रिय अध्यक्षमा शिब लम्साल बिजयी भएका छन् ।
शनिबार रातीदेखी जारी पदाधिकारीहरुको मतगणना केही बेर अगाडी मात्र सम्पन्न भएको हो । लम्सालले संस्थापन पक्षका अनिता बिन्दुलाई पछि पार्दै जित हात पारेको हो ।
अध्यक्ष लम्साल पक्षबाटै उठेका बरिस्ठ उपाध्यक्षमा प्रेम केसी, महासचिबमा दिलिप पौडेल, खुल्ला उपाध्यक्षमा नकुल अर्यालले पनि संस्थापन पक्षका उम्मेदावरलाई पछि पार्दै जित हात पारेको छ ।
यता गण्डकी प्रदेशको उपाध्यक्षमा उम्मेदवारी दिएका ऋषिकान्त पौडेलले पनि संस्थापन पक्षका उम्मेदवारलाई पछि पार्दै जित हात पारेको छ ।
