साँकेतिक तस्विर
अर्घाखाँची । आफ्नै श्रीमतीको हत्या आरोपमा अर्घाखाची प्रहरीले १ जना पुरुषलाई पक्राउ गरेको छ ।
आफ्नै २७ वर्षीया श्रीमती सरु भट्टराई भुसालको हत्या गरेको अभियोगमा प्रहरीले मालारानी गाउँपालिका २ डाँडाकटेरी बस्ने २७ वर्षीय कमल भुषाल पक्राउ गरेका हो ।
घर नजिकै जंगलमा श्रीमान श्रमिती दाउरा काट्न गएको बेला कमल आफैँले कम्मरमा बाँध्ने गरेको गम्छाले घाँटी कसेर हत्या गरेको अर्घाखाची प्रहरीले जानकारी दिएको छ । हत्या लगत्तै कमल आफै श्रीमतीको हत्या गरेको छु भन्दै ईलाका प्रहरी कार्यालय खनमा आएर आत्म समर्पण गरेको प्रहरीले जनाएको छ ।
हत्या सम्बन्धमा प्रहरीले अनुसन्धान थालेको छ । प्रहरीको प्रारम्भीक बयानमा आपसी विवादमा श्रमितीको हत्या गरेको बुझन आएको प्रहरीले जनाएको छ ।
