साँकेतिक तस्बिर
काठमाण्डौं । राजधानीको भोटेबहालस्थित एक गेष्ट हाउसमा महिलालाई बेहोश बनाएर बलात्कार गरी नगद तथा गरगहना लुटपाट गरी फरार भएका युवकलाई प्रहरीले पक्राउ गर्न सफल भएको छ । २४ बर्षिया महिलालाई ललाई फकाई विवाह गर्ने प्रलोभनमा पारेर जेष्ठ २९ गते बलात्कार गरी नगद तथा गरगहना लुटपाट गर्नेलाई प्रहरीले पक्राउ गर्न सफल भएको हो ।
पक्राउ पर्नेमा काभ्रे तिमाल गाउँपालिका ९ घर भई बनेपा डेरा गरी बस्ने भोटे, जय, आशिष भन्ने ३० वर्षीय बिश्व तामाङलाई प्रहरीले पक्राउ गरेको जनाएको छ ।
ती महिलालाई जेठ २९ गते आफूलाई भोटे बताउने व्यक्तिले ललाई फकाई बिबाह गर्छु भनी प्रलोभनमा पारी काठमाण्डौं महानगरपालिका ११ स्थित भोटेबहालमा रहेको एक गेष्ट हाउसमा राखी लठ्ठिने पदार्थ पेय पदार्थमा मिसाएर खुवाई जबरजस्ती करणी गरेका थिए । करणी पश्चात ती महिला संग भएको नगद १ लाख रुपैयाँ, २ तोला सुन र एउटा मोबाइल समेत लुटी फरार भएका तामाङलाई प्रहरीले पक्राउ गर्न सफल भएको हो ।
घटनाको सूचना पाएको प्रहरीले महिलाको बयानको आधारमा विधि र प्रविधि प्रयोग गरी अनुसन्धान गर्दा अभियुक्तको पहिचान भएको प्रहरी वृत्त कालीमाटीले जनाएको छ । अनुसन्धानबाट पत्ता लागेका ति ब्यत्तिलाई कालिमाटी बृत्तबाट खटिएको प्रहरीको टोलीले पक्राउ गरेको हो ।
पक्राउ परेका तामाङ उपर जबर्जस्ती करणी गर्न नहुने र चोरी गर्न नहुने कसूरमा मुद्वा दर्ता गरी जिल्ला अदालत काठमाण्डौंबाट ७ दिन म्याद लिई अनुसन्धान भइहेको कालिमाटी बृत्तले जनाएको छ ।