पोखरा । गण्डकी प्रदेश प्रहरी कार्यालय पोखराको आयोजनामा मनोरञ्जनको रुपमा, केही बिशेष काम र आत्महत्याको शिलशिलामा खौँच वा भिरमा फसेका घाईते तथा मृतकको उद्दार सम्बन्धि सिमुलेशन अभ्यास सम्पन्न भएको छ ।
आजभोली सर्वाधिक चर्चामा रहेको टिकटक बनाउदा खोच वा भिरमा फस्ने घटनाहरु भएकोले त्यस्ता घटना भईहाले नेपाल प्रहरी, शसस्त्र प्रहरीबल र नेपाली सेनाको समन्वयमा पूर्व तयारी अभ्यासको डेमो प्रस्तुत अर्थात सिमुलेशन अभ्यास गरिएको हो ।
विपद्का घटनामा उद्दार कार्यलाई प्रभावकारी बनाउन अभ्यास गरिएको हो ।
कार्यक्रमका प्रमुख अतिथी गण्डकी प्रदेश सरकारका अन्तरीक मामिला मन्त्री डोबाटे विश्वकर्माले प्रहरीद्वारा विपद् उद्दारका कार्यहरुको उच्च मुल्यांकन गरीरहेको बताउदै उत्कृष्ट सिमुलेशन प्रदर्शन गरेकोमा धन्यवाद दिए ।
कार्यक्रममा गण्डकी प्रदेश प्रहरी कार्यालय पोखराका निमित्त कार्यालय प्रमुख प्रहरी वरिष्ठ उपरिक्षक कृष्णहरी शर्माले कार्यक्रम सफल बनाउन खटिने सम्पूर्ण प्रहरी कर्मचारीहरुलाई धन्यबाद दिदै विपद् जुनसुकै बेला आउनसक्ने भएकोले प्रहरी कर्मचारी २४ सै घण्टा तयारी अवस्थामा रहन निर्देशन दिए ।
कार्यक्रम लगत्तै विवाहको लागी घर परीवारले सहमति नदिए पछी भिरबाट हाम फाली आत्महत्या प्रयास गरेका एक प्रेमिल जोडीको उद्दार गरी अस्पताल पठाईएको कथा वस्तुलाई नाटकिय रुपमा प्रस्तुत गरीएको उक्त सिमुलेशनमा विपद्को समयमा प्रहरी कार्य स्पष्ट प्रस्तुत गरीएको थियो ।
