काठमाण्डौं । नेकपा एकीकृत समाजवादीले आफ्ना मन्त्रीहरुलाई २४ घण्टाभित्र फिर्ता बोलाउने निर्णय गरेको छ । आइतबार बसेको एकीकृत समाजवादीको सचिवालय बैठकले पार्टीबाट सरकारमा पठाइएका मन्त्रीहरुलाई फिर्ता बोलाउने निर्णय गरेको नेता झलनाथ खनालले जानकारी दिए ।
बैठकको निर्णय अनुसार मन्त्रीहरुलाई २४ घण्टा भित्र फिर्ता बोलाउने निर्णय गरेका तर यसको अन्तिम निर्णयको अधिकार भने अध्यक्ष माधन नेपाललाई दिइएको पनि उनले जानकारी गराए ।
पार्टीका तर्फबाट ६ महिनाका लागि मन्त्री बनाइएकाहरुको समयावधि नाघेको भन्दै बैठकमा समीक्षा भएको थियो ।
सचिवालय बैठकपछि एकीकृत समाजवादीका पार्टी कार्यालय सचिव गंगालाल तुलाधरले मन्त्रीहरुको जिम्मेवारी हेरफेरका विषयमा छलफल भएको बताउँदै निर्णय अधिकार अध्यक्ष नेपालसँग रहेको बताए ।
तुलाधरले पार्टीले आवश्यकता ठानेर जिम्मेवारी दिएको र त्यहीअनुसार फर्काउन सक्ने जानकारी दिदै ुपार्टीले आवश्यक ठान्यो भने फिर्ता बोलाउँछ र नयाँ साथीहरुलाई जिम्मेवारी दिन्छ । यसलाई स्वभाविक रुपमा लिनुपर्छ ।
