काठमाण्डौं । नेपाली बजारमा सुनको मूल्य बढेको छ। साताको अन्तिम दिन शुक्रबार छापावाल सुनको मूल्य प्रतितोला ९०० ले बढेर ९८ हजार ५०० कारोबार भएको हो ।
बिहीबार सुन प्रतितोला ९७ हजार ६०० मा कारोबार भएको थियो । नेपाल सुनचाँदी व्यवसायी महासंघले सार्वजनिक गरेको विवरणानुसार शुक्रबार तेजाबी सुनको मूल्य प्रतितोला ९८ हजार कायम भएको छ ।
त्यस्तै गरी, चाँदीको मूल्य अघिल्लो दिनको तुलनामा प्रतितोला २५ ले बढेर १ हजार २९० पुगेको महासंघले जनाएको छ । अन्तर्राष्ट्रिय बजारमा शुक्रबार सुन प्रतिऔँस १ हजार ८६७ डलर आसपास कारोबार भइरहेको छ ।