स्याङ्जा । स्याङजाको वालिङमा आज भएको जिप दुर्घटनामा परी १४ जनाको ज्यान गएको छ भने १२ जना घाईते भएका छन् । निर्वाचन प्रकृयामा सहभागी हुन गएका ब्यक्तिहरु चढेको ग. २ च. ३०२६ नं.को जिप दुर्घटना हुदा १३ जनाको घटना स्थलमा नै मृत्यु भएको थियो भने १२ जना घाईते भएको थिए ।
वालिङ नगरपालिका १४ को पञ्चमुल अर्खलबास स्थित भित्री सडक खण्डमा सिख्रेबाट तिवारी पसल तर्फ जाँदै गरेको जिप अनियन्त्रित भई सडकबाट ५०० मिटर तल खस्दा १३ जनाको घटना स्थलमा नै मृत्यु भएको हो भने १२ जना घाइते भएको स्याङजा प्रहरीले जनाएको छ ।
बिहान करिब १०ः२० बजेको समयमा जिप दुर्घटना परी मृत्युहुनेहरुमा वालिङ नपा १४ पञ्चमुल अर्खलबास बस्ने वर्ष ६३ की माया पुन, सोही ठाउँ बस्ने वर्ष ९ को प्रविण कुवर, वर्ष ५० को कुलदपि कुवर, वर्ष ५० की डेमकुमारी कुवर, वर्ष ८६ की हरीकला कुवर, वर्ष ५० की टेककला कुवर, वर्ष २५ की जमुना कुवर, वर्ष ७० की भिमकला कुवर, वर्ष ७० की मुवाकुमारी कुवर, वर्ष ४३ की पोटकुमारी कुवर, वर्ष ४३ की जानुका कुवर, वर्ष ४२ की ज्ञानदली कुवर, वर्ष ५० की मिना कुवर र फुलदेवि कुवर रहेका छन् ।
दुर्घटनामा परी घाइते हुनेहरुमा वालिङ नपा १४ पञ्चमुल अर्खलबास बस्ने बेलमाया कुवर, सोही ठाउँका भुलवहादुर कुवर, गौमती थापा, ज्ञानमाया कुवर, सरस्वती कुवर, कविता कुवर, अनिष कुवर, कुशल कुवर, ज्यामकली कुवर, कौशल कुवर र सिता कुवर रहेको जिल्ला प्रहरी कार्यलय स्याङ्जाका सूचना अधिकारी रबिन्द्र खनालले जानकारी दिए ।
घाईते सबैको पोखरा गण्डकी मेडिकल कलेज पोखरामा उपचार भइरहेको छ भने सबैको अवस्था गम्भीर रहेको प्रहरीले जनाएको छ ।
