एजेन्सी । बङ्गालको खाडीमा असनी चक्रवातले प्रभाव देखाउन थाले छ । भारतीय मौसम विज्ञान विभागले ओडिशा, बंगाल र आन्ध्र प्रदेशमा आँधीबेहरीसहित वर्षाको चेतावनी जारी गरेको छ ।
विभागका अनुसार चक्रवात असनीको प्रभाव कार निकोबारको ६१० किमी उत्तर–पश्चिम, पोर्ट ब्लेयरको ५०० किमी पश्चिम, विशाखापट्टनमको ८१० किमी दक्षिण–पूर्व र पुरीको ८८० किमी दक्षिण दक्षिणपूर्वमा सबैभन्दा बढी देखिनेछ । मौसम विभाग, चण्डीगढका निर्देशक मनमोहन सिंहले यो आँधीको प्रभाव उत्तर भारतमा नरहेको बताए ।
बंगालको खाडीमा सक्रिय असनी चक्रवातको प्रभाव देखिन थालेको छ । बिहारका धेरै जिल्लामा बिहानैदेखि आकाश बादल लागेको छ । आईएमडी कोलकाताले पश्चिम बंगालको हावडा, कोलकाता, हुगली र पश्चिम मिदनापुर जिल्लाहरूमा मेघगर्जनसहित हल्का वर्षाको भविष्यवाणी गरेको छ । हावाहुरीको समयमा मानिसहरूलाई सुरक्षित स्थानमा बस्न सल्लाह दिइएको छ ।
विभागले जुन गतिमा आँधी बंगालको खाडीमा प्रवेश गरेको थियो, त्यही गतिमा बंगाल र ओडिशामा ९० किलो मिटर प्रति घण्टाको गतिमा मे ९ र १० मेमा १२५ किलोमिटर प्रतिघण्टाको गतिमा आउने अनुमान गरेको छ । यस अवधिमा हावाहुरीसहित वर्षा पनि हुनेछ ।
ओडिशाका राहत आयुक्त पीके जेनाले राज्यका ४ वटा बन्दरगाह पारादीप, गोपालपुर, धामरा र पुरीलाई खतरा क्षेत्र घोषित गरिएको बताए ।
