काठमाण्डौं । गर्भवती महिलालाई विभिन्न डरत्रास देखाई जबरजस्ती करणी गरी फरार रहेका काठमाण्डौं चन्द्रागिरी नगरपालिका २ नागढुङगा बस्ने कैलाली लम्कीचुहा नगरपालिका २ मोतिपुर ठेगाना भएका ३५ वर्षीय सागर शाहीलाई प्रहरीले पक्राउ गरेको छ ।
गत चैत ८ गते नागढुंगास्थित आफनै घरभित्र कोही नभएको मौका पारी गर्भवती महिलालाई डर, धाकधम्की दिदै जबरजस्ती करणी गरी फरार भएका शाहीलाई उपत्यका अपराध अनुसन्धान कार्यालय मिनभवनबाट खटिएको प्रहरीले काठमाण्डौं नागढुंगाबाट फेला पारी पक्राउ गरेको हो ।
पक्राउ परेका शाहीलाई जबरजस्ती करणी सम्बन्धी कसूरमा आवश्यक कारवाहीको लागि प्रहरी वृत्त थानकोट पठाइएको ब्युरोले जनाएको छ ।