गोरखा । जाल्पा सामुदायिक लघवित्त वित्तीय संस्था लिमिटेडले भच्चेकमा शाखा स्तरिय वार्षिक केन्द्र प्रमुख समिक्षा गोष्ठी तथा वित्तीय साक्षरता कार्यक्रम सम्पन्न गरेको छ । संस्थाको अनुगमन कार्यालय छेवेटार अन्र्तगतको शाखा कार्यालयहरुको भच्चेकमा समिक्षा गोष्ठी तथा वित्तीय साक्षरता कार्यक्रम सम्पन्न गरेको हो ।
कार्यक्रममा भच्चेक शाखामा आवद्ध केन्द्रका २६० जना भन्दा वढी सदस्यहरुको उपस्थिती रहेको थियो । कार्यक्रममा उत्कृष्ठ व्यवसायिक सदस्यहरु गौरी गुरुङ, पानु तामाङ र प्रमिला थापा मगर मालवुललाई सम्मान गरिएको थियो । सोही कार्यक्रममा उत्कृष्ठ केन्द्र प्रमुखको रुपमा गौमाया गुरुङलाई प्रशंशा पत्र र खादा सहित सम्मान गरिएको थियो ।
उत्कृष्ठ केन्द्रमा पर्न सफल अन्नपुर्ण जाल्पा सामुदायिक विकास केन्द्र, भुम्लीचोक जाल्पा सामुदायिक विकाश केन्द्र र जलेश्वरी जाल्पा सामुदायिक विकाश केन्द्रलाई नगद पुरस्कार र प्रशंशा पत्र दिएर सम्मान गरिएको थियो ।
तुलसी गुरुङको अध्यक्षता तथा केन्द्रिय कार्यालयका कार्यक्रम तथा ग्राहक संरक्षण विभागका प्रमुख धर्मदत्त आचार्य प्रमुख अतिथ्यतामा भएको कार्यक्रममा कर्जा विभागका केशव प्रसाद ढकाल, अनुगमन कार्यालय छेवेटारका अनुगमन अधिकृत सुवास धिताल, शाखा कार्यालय भच्चेकका शाखा प्रवन्धक विनोद सिर्मल, उद्यम विकाश अधिकृत केशवराज दवाडी तथा शाखाका अन्य कर्मचारीहरु लगाएत जाल्पा सामुदायिक लघुवित्त शाखा कार्यालय भच्चेकमा आवद्ध विभिन्न केन्द्रका प्रमुख, उपप्रमुख र सदस्यहरुको उपस्थिती रहेको थियो ।
