काठमाण्डौ । इन्डियन प्रिमियर लिग (आईपीएल) २०२२ को लागी चेन्नई सुपर किङ्ग्स टिमको नेतृत्वमा परिवर्तन भएको छ । परिवर्तित नेतृत्व अनुसार अब महेन्द्रसिंह धोनीको ठाउँमा रविन्द्र जडेजाले टिमको कप्तानी गर्ने भएका छन् ।
धोनीले जडेजालाई टिमको नेतृत्व सुम्पिने निर्णय गरेको भारतीय संचार माध्यामहरुले जनाएका छन् । सन् २०१२ देखि टिममा आबद्ध जडेजा चेन्नई सुपर किङ्ग्सको नेतृत्व गर्ने तेस्रो खेलाडी हुनेछन् ।
सन् २००८ मा धोनीले पहिलो पटक चेन्नईको कप्तानी सम्हालेका थिए । पछिल्लो १४ सिजनमा धोनीले २०४ खेलमा टिमको कप्तानी गरे । यसमा टिमले १२१ खेल जित्दा ८२ खेलमा हार बेहोर्यो । धोनीको नेतृत्वमा चेन्नईले ४ पटक आईपीएल ट्रफी र १ पटक च्याम्पियन्स उपाधि जितेको छ ।
यस संस्करणको आईपीएल यही मार्च २७ तारिखदेखि सुरु हुँदैछ । पहिलो खेलमा चेन्नई र कोलकाता नाइट राइडर्स खेल्दैछन् ।