भक्तपुर । भक्तपुरको दधिकोटमा आफ्नै श्रीमतीलाई नाम खुल्न नसकेको केमिकल हालेर घाईते बनाएको आरोपमा प्रहरीले उनको श्रीमानलाई नियन्त्रणमा लिएको छ ।
सूर्यबिनायक नगरपालिका ४ दधिकोट चित्रपुर बस्ने ६० वर्षीया श्रीमतीलाई नाम नखुलेको केमिकल (रसायन) प्रहार गरी घाइते बनाएको आरोपमा प्रहरीले ६५ वर्षीय श्याम गुभाजुलाई प्रहरीले पक्राउ गरेको हो ।
गुभाजुले आफ्नै श्रीमती संग सामान्य बिषयमा विवाद हुदा कुटपिट गरेर केमिकल प्रहार गरी घाइते बनाएको हो । घाइते महिलाको बर्न अस्पताल कीर्तिपुरमा उपचार भइरहेको भक्तपुर प्रहरीले जनाएको छ ।
प्रहरीले केमिकल प्रहार गर्ने श्रीमान र रसायनको अनुसन्धान गरिरहेको जनाएको छ ।